Háfell hefur unnið að gatnagerð í Urriðaholti. Þetta er stærsta einstaka gatnaframkvæmd sem íslenskt sveitarfélag hefur ráðist í.

Gatnagerðin er óvenjuleg að því leyti að úrkoma sem fellur á göturnar er ekki leidd í lögnum og út í sjó heldur er ofanvatni komið út í jarðveginn þannig að vatnabúskapur Urriðaholtsvatns raskist ekki. Sérstakar varúðarráðstafanir eru á meðan á framkvæmdum stendur til að enginn spilliefni fari út í vatnið.

Háfell, sem átti hagstæðasta tilboðið í lokuðu útboði, hefur fengið Loftorku í Garðabæ í lið með sér til að vinna verkið sem gert er ráð fyrir að ljúki haustið 2008.